Cerita-cerita Bahasa PadangKandi

Semua ini di ambil dari facebook group padangkandi, iko carito-carito nan di posting oleh saudara kito elfi moralita dan ratna setiawati.silahkan nan tagak golak takekeh-kekeh... hahahahahaaa...

padangkandi online

"Ooo yuang, kodok kodoklah manjanguah ka pajak geah muah, longang amek asoah"...
"Lotiah den!"
"Eee.. Aang lai iah! Nak obeh jeh ang dek ughang ngenek!"
"Maleh den!"
"Den agiah baiak lah ang hadiah."
"Ha! Itu iyo dih! Aa hadiah ah?"
"Ampu"... 

 

 "aso2 ka lomak..."
" a nan ka lomak rih..?"
"mandi pek baghuah luak pincuan....tu kumua-kumua ngenek...ndeeeeh tuan, sojuak ah lai iah!

 

RINDU
"O mak, ndak jadi den pulang deah, boghi mooh den dih mak...banyak doso den ka amak mak......... tagak bona den pulang, basimpuah pek kaki amak........"
"Yo ndak baa deah nak, olun ang mintak lai lah den boghi mooh ang, ndak ado den boghi doso ang deah nak bitu pulo jo adiak-adiak ang....dek den jo apak ang nan parolu lai sonang kalian....lah jadi rih...."
"Duaan mughah soki den mak, insyaallah taun muko pulang den...."
"Lai nak, lai, itu ajo nan kami pintak an tiok sudah mbayang, siat jeah ndak badan kalian, mughah soki kalian....tajonguak juo kami pek dumah nyak...basobok juo wak ndak ah...itu ajo nan dapek dek kami lah tuo-tuo geah nak...."
"Boghi mooh den dih maaaak....tagak den jo amak....hiks..."

 

 "Ai ka poi ka pokan kak suak ndak..? kok lai tolong tek bolian den pabukoan..."
"Lai gak nyah, a nan ka ang kighin.."
"Ngenek nyeah kak, satungkuh-satungkuh: sate malin satungkuh, tebak satungkuh, tapai satungkuh, lomang satungkuh, gulai paluk satungkuh, cindua sikin satungkuh...."
"Ngenek dek ang namo ah rih, kaniak an lah piti ang kok ka iyo..."
"Ee..pakailah piti kak lu, suak den bayia....."

 

GHAYO PEK JAWA
"halo, assalamualaikum..."
"waalaikumsalam....tuan geah...?"
"iyo den meah, ndak jadi den pulang gak nyah deah, kodai ndak dapek tingga deah, kecek an slah ka amak soman itu muah..."
"adih tuan, tu thr den baa tuan? kan lai ndak bota pulo deah? den nantian thr tuan rih baghu ka poi ka kumbuah....."
"ee...tonang slah kau, lah den kighinan jo buyuang, nyo aghi nonyan baghangkek, ado baju bagai den kighinan untuak kau jo amak, jopuklah suak muah..."
"adih tuan, mokasih, salam untuak mbak rih iah tuan..."
"yo, salamualaikum..

 

 BAIYO-IYO
07.00 WIB
"Da, kok masih di kamar, itu toko jam berapa bukanya...?"
"Nanti bontea, den sudah nelepon amak kamuah....amak kighin salam ka kau, mooh laia batin, nyeah...."
"Ooo...iyalah, sama-sama, nanti Sri telepon juga ke amak....lho, kok mata uda merah, kenapa da.....habis nangis ya da..??"
"Oh..eh..indak ah, ndak nangih tio den deah, a pulo nan ka den tangihan....tolah wak bukak kodai lai...lah siang aghi..."

 

12.30 WIB, baada zuhur
"Da, sebenarnya, uda pingin pulang ya, pingin ketemu amak kan, aku lihat uda melamun terus dari pagi....."
"Ngggg....Iyo, sabonea ah, tapi wak kan sadang parolu piti untuak nambah modal, tilah taun katibo kok lai basoki...."
"Kalau begini gimana da, kita jual aja cincin yang aku pake ini, insyaallah cukup..."
"Ndeeee....kau lai ieh...ndak manyosa den babinyi jo kau deah Sri, hiks, tambah sayang den jo kau....tapi, jan lai, ondok an ajolah, samo manahan ajolah wak taun kini....ondok anlah cincin kau rih baliak...ndak ka manangih den lai....den kogheh2an ati den...."

 

"O yuang, aa nan batengok dih, jak cako duduak jeah pek topi lobuah dih nampak dek den lai...."
"Eten ah, bosi baroda 4 ten, ado nan BA, B, BM, F, BH.... babagai2, yobona coga2 oto nan dibao ghang ghantau geah...."
"Tu baa, cinan ang, bolilah ciek!"
"Sajadi dek cinan den, tapi ndak buliah boli oto dek mandiang uwo den deah...."
"Baa dek bitu?..."
"Iyo, dipatawek ah bona saghi ka den: Yuang, ang jan boli boli oto leah kalau ndak bapiti ndak!..... Nyinyo saghi!!.......

 

"Oo Ri..."
"Aa mak..."
"Takona dek den kecek ang siang cako, kok iyo dapek dek ang binyi pek jawa rih suak, andak ah iyo ghang awak juo ndak ah..."
"Ee...tu kan kecek den ajo nyeah, lun tontu tio lai...."
"Iyo, tapi kan itu juo nan ka ang jalang suak nyeah...dek kami pek dumah geah kok dapek jodoh kalian rih yo ghang awak juo, nak tajalang jeah kami nan lah tuo-tuo geah...pek awak geah ndak ado nampak dek ang tu....?"
"Ee..kok nan nampak dek den nan mak tanyoan, banyak, tapi badan den geah nan lun nampak dek ughang mak, gak ati den eah...."

 

"eh uni, lah lamo ndak basuo yo ni, dima uni kini, kan masih di situ uni tingga kan...?"
" indak lagi diek, uni lah pindah, sekarang uni tinggal di amping munsojik, sbelah keniak seketat dari tompat yang sari...."
#bahaso ughang baghu pulang maghantau....ansua2 lah dek ghang kampuang baghaja tagho, nak jan mangango suak....ndeh Tuanolah Nan Kayo!

 

"Jadi ang poi bisuak tu Ri..."
"Iyo mak, da Buyuang rih parolu ughang manoloang pek kodai, pado ndak ado kojo ajo den dumah geah, ilang aka den, dapek pamboli duduk ajo jadi jeah dulu...."
"Yo ndak baa dek den deah. Cuboanlah. Jan boghek-boghek tangan ang pek itu ndak, pandai-pandai jo uda ang rih, jo binyi eah bagai, jan piliah-piliah kojo nan ka dikakok. Itu posan amak nyah. Ciek lai, jan tingga sambayang ang, uda ang rih paghajan sambayang jo mangaji, itu nan ka ang tughuk...."
"Iyo mak, adih, doa an slah dek mak dih...untuang-untuang kok lai dapek binyi leh den kali pek jawa rih suak..."

 

19.00 WIB baada maghrib
"Kok masih bengong da, itu sudah hampir isya, nggak taraweh apa...dari tadi ngeliatin langit-langit kamar terus...."
"Iyo, bontea lai......takona dek den sisuak.....kalau diimbau eah dek amak kadang den ndak babunyi deah, disughuah poi ka nsojik, den poi mangaia ka nama...... disughuah ah dek amak ncaghi kayu ka bukik den ndak omuah, caco2 amak ka den, den jawek pulo caco ah rih....ndeh, ibo bona ati amak gak ati den, yo banyak bona doso den ka amak....disughuah manyabik umpuk untuak bantiang, den padieaan ajo bantiang rih mancaghi makan soghang pek topi matang sawah rih nyah, nan den poi main olang-olang....amak mamangkua pek poghak, basiang pek sawah, ndeeee mak oi, yo bona tibo sosa den kini, yo bona indak paguno badan den geah sisuak deah.... boghi mooh lah den maaaaak....aso ka den ughuk-ughuk kaki mak rih kini, pulang juo lah den, den jua juo lah cincin cako.....aso-aso ka lamo bona mananti taun katibo, kok indak sampai umua suak.....maaaaaak....."
"Da...da....uda...uda kenapa da....?"

 

"Lah baliak ang mahsakik yuang? Baa nan dotor dih? Aa sakik ang nyinyo?"
"Ndak baa deah mak, lah ndak baa lai deah, lah diagiah ah ubek..."
"ndak baa baa geah, nak alang guliang2 ang dek sakik poghuk dih cako deah, dek aa poghuk ang dih nan dotor?"
"ngnggg... Sakik biaso nyeah mak..."
"iyo, aa namo sakik ang dih, aa panyobab ah? Baa dek payah bona ang manorangan ka den sakik ang dih? Jolehanlah aa nan dotor dih!"
"ngng...apo mak, poghuk den ndak baa tio deah, skik cako dek songkiah, kakonyongan. "kelebihan kapasitas" istilah dotor dih...."
"ndeeehhh yuuuaaangg......

 

 Sumber : PadangKandi Online